जीटीए कार्यन्वयन ढिलाई हुनुमा केन्द्र पूर्ण दोषी अनि राज्य आशिंक दोषी – डा हर्कबहादुर छेत्री..अनियमित बिजुलीको बिलबारे बिद्युत मन्त्रिलाई कुरा उठाउँने छेत्रीको आश्वासन

अनियमित बिजुलीको बिल बारे बिद्युत मन्त्रिलाई कुरा उठाउँने डा हर्कबहादुर छेत्रीको आश्वासन
डी के वाइबा, कालिमन्युज, कालेबुङ २१ फरवरी; दार्जीलिङ पहाडमा बिजुलीको बिल बिगत दिनहरुको तुलना दोब्बर आईरहेको कारण बिद्युत उपभोक्ताहरु हैरान बनिरहेका छन्। गोजमुमो पार्टीको उदय पछि आन्दोलनकालमा गोजमुमोको आह्वानमा सबै मानिसहरुले बिजुलीका बिल तिरेका थिएनन् तर जीटीएको समझौता पछि गत १ अगष्टदेखि भने बिजुलीको बिल मोर्चाले तिर्नु पर्ने घोषणा गरेको थियो। मोर्चाकै घोषणा अनुरुप अहिले मानिसहरुले गत अगष्ट महिना यताको बिलहरु तिर्ने कार्य गरिरहेको भएता पनि दिनो दिन बिगत दिनहरुको तुलनामा अत्याधिक बिल आएको कारण मानिसहरु चिन्तित् बनिरहेका छन्। यस सम्बन्धमा कालेबुङका बिधायक डा हर्कबहादुर छेत्रीसित जान्न खोज्दा बिगत दिनहरुको तुलनामा अत्याधिक आएका बिलहरु कसैले नतिर्ने आह्वान गरेका छन्। तिनले यस बिषयमा भोलि कलकतामा राज्यका बिद्युत मन्त्रीलाई भेट गरेर हाल मानिसहरुलाई आईरहेको धेर बिलहरुको बारेमा जानकारी गराई यस्तो काम बिभागले यथाशिघ्र बन्द गर्नु पर्ने माग राख्ने बताएका छन्।
बिभागले जनतालाई मनपरी बिल पठाउँने काम यथाशिघ्र बन्द गर्नु पर्ने माग गर्दै राज्यका गृह सचिवसित पनि यस बिषयमा कुराकानी गर्ने तिनले जानकारी दिएका छन। अर्कोतिर तिनले बिगत दिनमा कालेबुङमा बिजुलि बिभागको डिभिजिनल कार्यालय निर्माणको निम्ति राज्यका बिद्युत मन्त्रीले सितम्बर महिनामा नै निर्देश दिएको बताउदै मन्त्रिको निर्देश पाएर पनि बिभागले आजसम्म कुनै काम नगरेको तिनले आरोप लगाएका छन। यस बिषयमा पनि तिनले पुन: कुरा उठाउँने जानकारी गराएका छन्।